Do rural
ao centro
Do rural ao centro é un proxecto de encontros veciñais impulsado por UCIN Santiago para escoitar directamente ás persoas dos barrios e das parroquias. Un espazo aberto de diálogo onde levar as necesidades, propostas e preocupacións do rural e dos distintos puntos da cidade ata o centro das decisións políticas en Santiago de Compostela.
Compromiso real coa nosa veciñanza
UCIN Santiago é un partido que nace da voz da cidadanía para representar os seus intereses reais. Liderado por Adrián Mallo, veciño histórico e activista comprometido coa cidade, traballamos para construír un Santiago máis próximo, accesible e humano para todas as persoas.
Defendemos a accesibilidade universal, a igualdade de oportunidades, a inclusión social, o apoio á mocidade e ás persoas maiores, a protección do comercio local e o benestar animal como piares fundamentais dunha cidade moderna e xusta. Apostamos por escoitar aos barrios e ao rural, dar voz á veciñanza e recuperar unha política útil, transparente e centrada nos problemas reais do día a día.
En UCIN Santiago cremos nunha cidade onde ningunha persoa quede atrás e onde o futuro se constrúa coa participación directa da veciñanza.
Candidato a Alcaldía
Adrián Mallo é un veciño de Santiago de Compostela comprometido coa súa cidade, coñecido polo seu activismo social e pola súa defensa dunha Compostela máis accesible, próxima e xusta. Cunha ampla experiencia no trato directo coa xente e implicado en diferentes iniciativas sociais e veciñais, aposta por unha política útil, transparente e centrada nas necesidades reais da veciñanza.
Cambiar a cidade os barrios e o rural
Queremos cambiar Santiago porque durante demasiado tempo os barrios e o rural sentiron abandono, falta de mantemento e unha política afastada da realidade diaria da veciñanza. Mentres unhas zonas avanzan, outras seguen esquecidas, con problemas de accesibilidade, limpeza, mobilidade, seguridade e falta de servizos básicos.
En UCIN Santiago cremos que unha cidade non se constrúe só dende os despachos, senón escoitando ás persoas que viven nela cada día. Queremos un Concello máis próximo, que pise a rúa, que coñeza os problemas reais da veciñanza e que actúe con sentido común, transparencia e compromiso.
A nosa prioridade é recuperar o orgullo dos barrios e do rural, apoiar ao pequeno comercio, mellorar os espazos públicos, defender o benestar animal e facer de Santiago unha cidade máis humana, accesible e preparada para o futuro.
